blogo de kvakulo

jaro finiĝos, jaro komenciĝos

Sun, 24 Dec 2006 00:04:05 GMT

jen la ŝajne jara "ĝisdatigo" de mia blogo :-)
mi antaŭbedaŭras, se vi jam ricevis mian "karton" per retpoŝto, ĉi-okaze simple plendu al mi, kaj mi donos al vi iam bieron - aŭ alian trinkaĵon laŭ via deziro :-)

estu la jaro 2007a

bela, ĉarma, profunda, reva, ĝoja,
sukcesa, gaja, feliĉa, suna, paca,
festa, elstara, maltrista, ridetplena,
kontentiga, prospera, grandioza, paradiza,
ama, riĉa, brila, favora, vigla kaj bongusta

por vi!

-----------------------------------------------------------------------------------

kara amiko!

mi esperas, ke vi plenĝuis la jam baldaŭ pasintan jaron!
estis por mi jaro kun multe da ĝuoj, tamen pro tro(eg)laborado
mia tempo por esperantumado nemultis, seeeed mi antaŭplanas, ke
la sekva jaro estu denove plenegegegega je frenezaj esperantaĵoj!

mi petas vin dum la sekva jaro agu kiel eble plej multe kontraŭ
milito kaj interhomaj konfliktoj. iĝu pli scia kaj uzu vian
scion por krei mondon kiu povas enteni ĉian homon. ne estu
tima por fremduloj. respektu unu la alian (kvankam povas esti
foje malfacile). pliaj petoj venos post unu jaro ;-)

plej sincere via,

regin :-)

plej gajajn festojn!

Wed, 21 Dec 2005 22:29:43 GMT

ĉu mi forgesis spami vin?
ne tristiĝu!
jen la ĉi-jara karto por vi:

Du tasoj da kafo — du horoj da dormo

Mon, 01 Nov 2004 21:45:58 GMT

Per dana kanto, kiun plejparte konsistigas eta refreno, mi ĉi-matene vekiĝis. Pro nur 2 horoj da dormo (oni ja ne dormu tro!) mi iĝis iom kantema duŝante kaj esperantigis la refrenon. Ĉu la rezulto ne belas?

Hej belulino!
Permesu al mi, demandi:
De kie vi?

Vi tro belas, belas, belas, belas, belas
Vi tro belas, belas, belas, belas, belas

Hodiaŭ mi partoprenis en la antaŭe aludita eksperimento, kiu, nu kiel diri, estis iomete teda: La eksperimento pritemas kiel klimato en ĉambro efikas laboradon. Do ni devus simuli kontoran laboron (t.e. entajpi tekstojn, ĝustigi aliajn tekstojn kaj adicii kvar nombrojn inter 11 kaj 99) kaj ofte demandi al demandoj pri kia oni opinias la klimaton (ĉu tro aŭ maltro varma, humida, ktp.) dum iom pli ol 4 horoj. La sistemo kompreneble ne funkciis ĝuste, do mi konjektas, ke ili eĉ ne povas uzi la rezultojn de hodiaŭ. Venont-lunde espereble estos pli interese :)

Kial vi forlasis min, kara M55?

Thu, 21 Oct 2004 13:28:08 GMT

Ho ve! La hodiaŭa tago por mi certe ne iĝos la plej bona en mia vivo. Kiam mi biciklis al la buso estis pluvego kaj mi iĝis preskaŭ ĝisoste malseka — kaj mi eĉ ne atingis la buson, kiu forveturis ĵus kiam mi alvenis al la bushaltejo. Ho ve! Mi devis — mi bezonis — plendi al iu kaj SMS-umis al mia frato kaj iĝis en pli bona humoro. Tamen, anstautaŭ remeti la poŝtelefonon en poŝon de mia pantalono kiel kutime, mi metis ĝin en poŝon de mia jako. Ho ve! Nun mia poŝtelefono ne plu estas en mia jaka poŝo kaj verŝajne daŭre restas en iu buso. Ho ve! Tuj post mi rimarkis tion, mi telefonis al la poŝtelefonia firmao por malfunkciigi la numeron — espereble neniu trovis la telefonon antaŭ tio kaj faris multajn vokojn al foraj landoj. Ho ve!

Malgraŭ ĉiuj ĉi malbonaĵoj fakte ankaŭ okazis io bona por mi hodiaŭ: Oni akceptis min en eksperimento por kio, oni pagos al mi iom da mono. Tio espereble ebligos al mi partopreni IS-on (aŭ acxeti novan poŝtelefonon). Verŝajne pli pri tiu eksperimento poste ... :)

Ĉu fajro estu?

Wed, 20 Oct 2004 22:13:59 GMT

— La buso ne plu iras, anoncis iom ĝenita la ŝoforo de buso, kiun mi ĵus eniris. Antaŭ ol mi plene sidiĝis, mi jam estis celanta la elirpordon de la buso per rapidaj paŝoj. Rigardante al la fumo de kio pli kaj pli venis, la ŝoforo preskaŭ lerte baris la elirpordon, tiel ke ne eblis forlasi la buson per mia granda rapideco. La fumo verŝajne bone klarigas kial mi rapidis. Kiam la ŝoforo finfine ebligis al mi la eliradon, post almenaŭ 2,5 sekundoj da barado, mia paŝado denove iĝis rapida por ne stari tro proksime al buso, kiu certe iĝus tre malviviga afero en okazo de eksplodo.

— For de la buso! For de la buso! Flamoj estas!, mi elkriis sufiĉe laŭte kaj multfoje kiam mi ekvidis de sekura distanco en la buso flamojn. Oni eble kredus ke la ceteraj kunveturantoj rapide forirus. Ne. Tial mi denove ekkriis. Ili firme restis ĉe la buso — ja nur temis pri fajro en la elektraj instalaĵoj. La ŝoforo kelkfoje provis estingi la fajron, sed ĉiam post momento ĝi revenis. La fajrobrigado venis en granda nombro post kelkaj minutoj kaj zorgis pri la fajreto, pri kiu fakte temis. Nenio plu okazis kaj per la sekvanta buso mi rekomencis la veturadon hejmen ... kiu ĉi-foje estis senflama.

dejnis ['danish]

Mon, 18 Oct 2004 21:26:40 GMT

"Nur imagu ke tiu mirinda viro [Zamenhof], kiu estis doninta al la mondo unu el la plej netakseblaj benoj, kiujn la homaro iam ricevis de homo, kiu plene konsciis la valoron de tiu tasko — devis dediĉi tempon kaj laboron al la subula tasko enskribi, unu post alia, la nomojn de tiuj, kiuj dejnis 'esploreti lian malgrandan verkaĵon', kaj decidis registri sin inter liaj subtenantoj." (Citaĵo de "Joseph Rhodes kaj la Fruaj Tagoj de Esperanto en Anglujo" de Merchant. Citita laŭ "Originala Verkaro de Zamenhof" de D-ro Dietterle.)

Krom ke mi trovas la ĵus skribitan citaĵon interesa kaj prava, la vorto dejnis uzita en ĝi kaptis mian atenton — nu, kial? Laŭ mia elparolo tiu vorto multe similas al la angla danish. Kurioze.

Mon, 11 Oct 2004 20:28:08 GMT

Hodiaŭ mi legis esperantan novelon en kiu mi renkontis la vorton “kamufli”. Laŭapekte ĝi estas nur alia vorto, sed provu nun laŭtlegi ĝin.

Kamufli, kamuflu, kamuflo, kamufla, kamufle.

Mi jam kuŝas sub mia skribotablo ridante.

La Ora Voj'

Tue, 28 Sep 2004 19:04:06 GMT

Multe da personoj diradas, ke mono ne gajneblas en la reto. Mi havas pruvon, ke fakte ja estas eble! Ankaŭ Vi per iomete da laboro kaj bonaj interligoj povos ricevadi ĉekojn, samkiel mi. Ĉar ne estas tutsimple, mi ĉi tie ne plu parolos pri tio, sed baldaŭ mi eldonos libreton, en kiu la metodoj estos profunde klarigitaj.

Personoj, kiuj jam tralegis la manuskripton, diris i.a.:

“Mi unue ne kredis je miaj propraj okuloj. Tiel simple kaj facile!”
(B. J., Roterdamo, Nederlando)

“Tiu ĉi ne estas libro leginda, sed legenda!”
(R. L., Taastrup, Danlando)

Por konvinki eĉ la skeptikulojn, mi skanis kaj alŝutis ĉekon, kiun mi ĵus ricevis de Usono. Vidinte ĝin vi sendube min kredos!

La libreto «La Ora Voj'» estos eldonita de propra eldonejo komence de decembro.

Mendu jam nun kaj ŝparu multe! Unu ekz. nur nun vendiĝas kontraŭ 10 eŭroj -- poste ĝi plikostiĝos! Rabato je 30% jam ekde la 3-a ekz.

ITV

Thu, 26 Feb 2004 13:36:04 GMT

Hieraŭ mi ĉeestis la prelegon pri ITV de Flavio Rebelo en Kopenhago, Danio. Li parolis dum ĉ. unu horo nek pri sia privata revo, nek pri la revo de la Ĝangalo-teamo, sed pri la komuna revo de multaj samideanoj. Dum multaj jaroj oni ja pensis, ke estus ege bone, se oni nur havus televid-kanalon en Esperanto, sed ne eblis pro la grandaj kostoj al satelitoj, salajroj, ktp., sed nun eblas pro la reto. Oni ja povas elsendi televidon rete en malmultekosta maniero.

Li parolis entuziasme pri la ideo, sed substrekis ke la kvalito de la programoj en la kanalo gravegas. Ne nur en enhavo, sed ankaŭ en aspekto, ĉar se ne-esperantitoj vidos programon, kiu ŝajnas esti fuŝa, li certe ankaŭ pensos, ke Esperanto estas fuŝa lingvo. Sed se male, la programo aspektas bele, li eble pensos, ke Esperanto uzeblas, kaj ĝin lernos. La kanalo estas la plej grava afero por Esperanto ekde la Unua Libro.

Poste lia prelego estis demandoj pri ITV de la ĉeestantoj, ekz. pri la ebleco elŝuti la programojn. Li klarigis kial ne eblas fari la programojn elŝuteblaj pro la kopirajto kaj granda kosto.

Mi estas ege populara

Mon, 09 Feb 2004 22:19:12 GMT

- almenaŭ mi ricevis hodiaŭ ne malpli ol 78 retpoŝtojn de personoj mi tute ne konas. La plej stranga afero estas, ke ili ĉiuj, kiuj skribis, almetis dosieron "ĉar la mesaĝo estas en Unikodo". Mi tute ne komprenas ;)

Ĉu vi uzas Vindukson? Ĉu vi scias pri Paltalk? Paltalk estas programo per kiu vi povas paroli kune kun aliaj homoj - kaj Esperantistoj. Vi povas elŝuti ĝin senpage el la hejmpaĝo de Paltalk. La programo tute ne funkcias perfekte, laŭ mia opinio, sed sufiĉe bone, tiel ke vi povas plibonigi vian Esperantan parolpovon. Mi ne jam trovis programon, kiel Paltalk, kiu funkcias en Linukso, do mi ne mem ofte povas uzi Paltalk-on.

Hodiaŭ ĉeestis personon de Portugalio en la Esperanto-Klubo. Li parolis pri ĝusta media energio per ekz. vent-mueliloj. Mi ne aŭdis lian prelegon de la komenco - sed fakte tio ankaŭ malgravas. Li parolis tre klare kaj mi preskaŭ komprenis ĉion, kion li diris. Finfine, mi povas senti, ke mi plibonigas mian scipovon de parolata Esperanto.

Malvarme

Fri, 30 Jan 2004 01:28:04 GMT

Mi estis surprizita kiam mi vidis ke la temperaturo ekstere estas -12 gradojn - unua mi pensis ke la temperatur-programon mi uzas en mia komputilo ne plu funkciis korekte, sed ankaŭ la normala termometro montras la -12 gradojn, fakte, ĝi montras precize -12,2.

Praskulptaĵoj

Thu, 29 Jan 2004 23:12:52 GMT

Hieraŭ mi venis kun mia klaso pri la pra-Greklando al la Gliptoteko por vidi malnovajn egiptajn, grekajn kaj romanajn skulptaĵojn kaj vazojn. Ni komencis renkonti ĉe la gimnazio - kaj tie ni atendis nian intruiston, fakte atendadis lin, ĉar ni estis ne malpli ol 40 minutoj tro malfrue pro problemoj je la trajnoj. Bone, li finfine venis kaj ekparolis pri grekaj vazoj dum unu kaj duono hojo senpaŭze. Eble estas bona tempo por diri ke tiu ĉi mateno mi ne matenmanĝis, kaj ĉar ni ne havis paŭzon mi ne povis aĉeti manĝaĵon de la kantino. Poste ni veturis per trajno al Kopenhago kaj rigardis kaj rigardis kaj rigardadis multegajn diversajn skulptaĵojn. Ni ĉiuj laĉiĝis kaj speciale mi pli malsatiĝis. Post kiam ni rigardis la multajn skulptaĵojn, ni devis demandi malmutajn - sed malfacilajn kaj strangajn - demandojn pri la aĵojn ni vidis. Je la dek kvara kaj duono nia ekskurso finiĝis - kaj mi, finfine, povis aĉeti manĝaĵon.

Damne! Kie estas la diskedo mia?

Mon, 19 Jan 2004 01:38:09 GMT

Dum multaj horoj hodiaŭ mi serĉis diskedon, kiu enhavas tre gravajn fizikresutojn, sed mi ne povas trovi ĝin ie ajn. Je la tempo kiam mi ankoraŭ havis la diskedon mi ruzis kaj sekurkopiis tiujn gravajn rezultojn al ml mia USB-disko, sed ĝin ne plu funkcias. Mi devis fari fizikraporton dum la semajnfino, sed pro la manko de la rezultoj mi tion ne povis fari. Do, nun mi ne volas enlitiĝi ĉar mi tute ne volas ellitiĝi morgaŭ (aŭ pli precize: malfrue hodiaŭ), kiam mia instruisto postulos la reporton.

Ĉu kelkaj personoj ankoraŭ vizitas mian taglibron?

Thu, 15 Jan 2004 22:20:27 GMT

Mi ne esperas ke mujtaj, kelkaj aŭ eĉ unu persono ankoraŭ vizitas mian taglibron ĉiu-tage, ĉar ĉi tie malofte io okazas. Sed ne timu! Mi kompreneble ne forgesis Esperanton, fakte ekde mia lasta enskribo ĉi tie ĉe lj mi tre multe lernis ĉar mi ekde tiam ambaŭ legis kaj parolis Esperanton.

Mia unua parol-Esperanto-tago okazis je la 5an de januaro. Je tiu tago mi parolis - aŭ pli korekte - interparolis Esperante. Do nun, mi estas vera Esperantisto. Okej, ne tute vera Esperantisto - mi mankas viziti kongreson eksterlande (kaj fakte ankaŭ maleksterlande) ;).

Hodiaŭ mi aĉetis la retnomon saluton.dk. Mi vidis ke tiu ĉi retnomo estis neokupata - kaj mi ne povis ne âceti ĝin. Do, nun mi havas Esperantan retnomon - hura!

Tue, 23 Dec 2003 23:20:38 GMT

Neĝas

Sun, 21 Dec 2003 23:51:53 GMT

Eble ni havos blankan Julon en Danio ... vi estas ĵaluza, ĉu ne? ;)

Mi reprovas ...

Sun, 21 Dec 2003 22:02:14 GMT

kaj ĉi-foje sen alkliki la "rich text"-ligilon ;) En tiu ĉi preskaŭ finita semajno mi finigis merkrede mian dokumenton pri egipta matematiko. Ĵaŭde estis festo ĉar ne nur mi sed ĉiuj triaj jaroj gimnazianoj faris dokumentojn - tiuj dokumentoj estis la lastaj grandegaj ni faru dum ni estas gimnazianoj. Ni veturis limuzine al Kopenhago kaj dancis ĉirkaŭ la jularbo ĉe la urbodomo - ja tre amuzis! Ni reveturis al nia gimnazio, kie ni manĝis, drinkis kaj post dancis, festis kaj daŭre drinkis; do, vespere mi estis malbona ;). Sabate mi vidis "La Reveno de la Reĝo" kun amiko en kinejo, aĉetis kelkajn juldonacojn kaj pruntis kvar librojn pri esperanto ĉe la librejo.

Damne ...

Sun, 21 Dec 2003 21:00:30 GMT

Mi juŝ finigis skribi mesaĝon por mia taglibro (aŭ semajnlibro ;), tiam mi alklakis la "rich text"-ligilon kaj perdis la tekston. Livejournalo estas stulta, mia foliumilo estas stulta kaj mi estas stultulo :P

Rigardu! Sanktan Nikolaon

Sun, 14 Dec 2003 20:57:08 GMT

La vojo al la kunvenejo

Tue, 09 Dec 2003 19:00:53 GMT

Mi biciklis al la stacidomo kaj veturis per trano al Kopenhago (la ĉefurbo en Danio), por veni al esperant-kunveno tie, hieraŭ. Estis kompreneble neniu problemo, sed tiam mi alvenis al Kopenhago mi piediru de la stacio al la kunvenejo. Tiu estis problemo. Unue, mi iris en unu direkto kaj post en alia direkto, sed mi ne povis trovi la ĝustan vojon. Bone, mi reiris al la stacio por demandi helpon.

Iun viron hazardan demandis mi (kompreneble vere en la dana):

"Pardonu min, ĉu vi konas kie la vojo 'Kalvebod Brygge' estas?
"Jes, tiu estas en ĉi tiu direkto"
"Ho, bone. Dankon!"
"Kien iros vi?"
"Al 'Vasbygade'"
"Ĉu numero dek?"
"Jes!"

La viro estis esperantisto kaj mi sekvis kune lin al la kunvenejo - tre amuza kaj feliĉa koincido.

Finfine mi trovis Andrew McCarthy

Sun, 07 Dec 2003 15:30:34 GMT

kune kun Ellie kaj ŝiaj amikoj. Somere ekde du jaroj mi aĉetis la anglan libron "Looking for Andrew McCarthy" ("Serĉanta por Andrew McCarthy") de Jenny Colgan, sed mi ne legis ĝin ĉar mi bezonis serĉi multajn vortojn en mia angla-dana vortaro. Tamen nun en la lastaj sep tagoj mi finfine legis la libron (sen uzi vortaro) - fakte tre bonega libro, mi rekomendas ĝin!

Morgaŭ mi iros al dana esperanto kunveno en Kopenhago kaj mi iom scivolas kiel estas tio :-)

Kva! Kvak!

Thu, 04 Dec 2003 15:08:56 GMT

Hura! Mi trovis al mi mem iun dolĉan ranon por mia lj-bildo ;)

Mi bonvenigas vin al mia taglibro!

Wed, 03 Dec 2003 19:58:54 GMT

Unue mi volas danki goulo por doni al mi kontan kreikoden. En tiu ĉi taglibro skribos mi por uzi kaj bonigi mian esperanton. Aŭgusto ĉi-jare mi komencis studi e-on, do mi ankoraŭ estas komencano, sed mi sentas ke mi lernis jam por fari - almenaŭ - simplajn interparolojn en ĉi tiu internacia kaj utila lingvo.

Por lerni e-on mi ĉefe uzas la bonegan paĝaron, lernu.net.

Nun mi devas legi iom da libro pri egipta matematiko, pro inter la 10-a kaj 17-a de decembro mi devos skribi, pri tio, dek kvin paĝojn longan dokumenton.